<> 'அடை'மொழி <>
வேண்டும் வேண்டும் அடைவேண்டும்! -நன்கு
.. வெந்து முறுகிய அடைவேண்டும்!
மாண்டு போன நாக்கினுக்கு - அது
.. மறுபடி உயிரைத் தரவேண்டும்!
துவரை உளுந்து கடலையெனப் - பல
.. சுவையுள தானியம் அரிசியுடன்
அவரவர் தேவைக் கேற்றபடி - கலந்(து)
.. அரைத்துச் சுடுங்கால் அடைபிறக்கும்!
கார அடையுடன் தவலைஅடை - இன்னும்
.. காரடை யார்நோன் படையுண்டு
வாரம் மும்முறை அடையுண்டால்
.. வாரா தெந்த வலிநோயும்!
அடையும் அவியலும் ஆகாகா! - அதற்(கு)
.. ஆகா(து) இணைமிள காய்ப்பொடியும்
அடைந்தால் அடையே அதைத்தவிர - பிற
.. அற்பத் தனஉண் டிகள்அடையோம்!
வேண்டும் வேளை அடைவேண்டும் - பசி
.. வெறியை விரட்ட அடைவேண்டும்!
காண்டீன் ‘மெனு'வில் அடையின்றேல் - அக்
.. கடையை மூட வழிசெய்வோம்!
யாண்டும் தமிழர் இனம்காக்கும் - பணி
.. யாரம் அடையே எனஉணர்வோம்!
மீண்டும் அடையின் மேன்மையினை - நாம்
.. மீட்டிட மேலும் அடைஉண்போம்!
... 'அடையானந்தன்'
படம், நன்றியுடன்: padhuskitchen
படம், நன்றியுடன்: padhuskitchen
No comments:
Post a Comment